solapur images

Discover Best solapur Images of World

#food #travel #sports #news #may #wednesday

पुणे: उजनी धरणाच्या पाण्यात बोट उलटली, सहा जण बेपत्ता; तीन मुलांचा समावेश, एकाच घरातील पाच जणांचा समावेश पुणे : उजनी धरणाच्या बॅक वॉटरला पाण्यामधून प्रवासी घेऊन निघालेली बोट मंगळवारी संध्याकाळी झालेल्या वादळी वाऱ्यामुळे उलटली. ही बोट सोलापूर जिल्ह्यातील कुगाव येथून पुणे जिल्ह्यातील इंदापूर (Indapur) तालुक्यातील कळाशी या गावाकडे निघालेली होती. या बोटीमध्ये एकूण सात प्रवासी होते. या दुर्घटनेत सहा जणांचा मृत्यू झाल्याची प्राथमिक माहिती मिळाली आहे. तर, एक जण पोहत नदीच्या किनाऱ्यावर आल्याने वाचला. दरम्यान बुधवारी सकाळपासूनच 'एनडीआरएफ' च्या पथकाने उर्वरित सहा जणांचा शोध घ्यायला सुरुवात केली आहे. (boat capsizes in Ujani dam backwater) स्थानिकांकडून मिळालेल्या माहितीनुसार, सोलापूर जिल्ह्यातील कुगाव ते इंदापूर तालुक्यातील कळाशी या दोन्ही गावादरम्यान येण्याजाण्यासाठी उजनी पात्रातील पाण्यातून बोटीद्वारे वाहतूक केली जाते. मंगळवारी संध्याकाळी कुगावमधून गोकुळ दत्तात्रय जाधव (वय ३०), कोमल गोकुळ जाधव (वय २५), शुभम गोकुळ जाधव (वय दीड वर्ष), माही गोकुळ जाधव (वय ३, सर्व रा. झरे, ता. करमाळा, जि. सोलापूर) यांच्यासोबतच गौरव डोंगरे (वय १६) आणि सहाय्यक पोलीस निरीक्षक राहुल डोंगरे असे सर्व प्रवासी या बोटीमधून कळाशीच्या दिशेने निघालेले होते. ही बोट कुगाव येथील रहिवासी असलेले अनुराग अवघडे (वय ३५) हे चालवीत होते. #पुणे #pune #punenews #indapur #solapur